Lungthin Lei Dam Lo Ruangah Stage Cung Hmanh Ah Hlasak Kho Dawh Asi Ti Lo Mi Britney Spears

Lungthin Lei Dam Lo Ruangah Stage Cung Hmanh Ah Hlasak Kho Dawh Asi Ti Lo Mi Britney Spears

Kum 37 hrawng asi cang mi vawlei cung hlasak thiam minthang Britney Spears cu lungthin lei dam lo nak a tong ruangah stage cungah kai in hlasak than ding a har ngaingai mi asi tiah Britney Spears i a manager pa nih a chim.

Britney he chungkhar khat bantuk in a tlawngleng ti mi kan si tiah a manager pa Larry Rudolph nih a chim, Britney nih a ton mi lungthin lei dam lo nak hi a buai ngaingai mi asi i, mikelte asi khawh than nak dingah caan lak i tha tein i dinh ziar a hau mi asi. Asi khawh le bang ahcun stage cungah zeitik hmanh ah kai ti loin um sehlaw Britney nunnak caah a thacem mi asi lai tiah Larry Rudolph nih a ruahnak a chim.

Larry Rudolph nih a chim rih mi cu, “a nunnak cheuthum ah cheuhnih hi Britney he kar kan hlang ti, cu tikah ka fanu bantuk in ka hmuh ii tu bantuk dam lo nak a ton tikah ka lungrawk ngai, nuam te le lawm tein um seh ti hi ka duh tuk mi asi.

Cu tikah Britney nih hlasak nak in, dinh hi papek deuh a hau cang mi dirhmun ah a um. hla tampi a sak cang ko. stage cungah kai in hlasak than ding ni le caan lungsau tein nan hngah piak a hau” tiah Larry Rudolph nih a chim.

Britney hi 2007 lio ah lungthin lei faknak fak tuk in a rak tuar i cehrep hna i a sam a rak i riam bal cang, cu hnu zongah tlangval kong ah siseh, inn chungkhar kongah siseh buaibai nak a um pah lengmang tikah a lungthin damlo nak a zual chin lengmang.

Ref: Dailymail “Britney Spears’ longtime manager Larry Rudolph claims the singer may NEVER perform again amid her ongoing mental health battle”

Be the first to comment on "Lungthin Lei Dam Lo Ruangah Stage Cung Hmanh Ah Hlasak Kho Dawh Asi Ti Lo Mi Britney Spears"

Leave a comment

Your email address will not be published.


*