Arsenal Țanhtu Hna Caah Thinphan Ngai Asi

Pierre-Emerick Aubameyang Cu Pound 74 Million In Real Nih Cawk Dingin Timhtuahnak An Ngei

Real madrid FC nih Arsenal hmaikal Pierre-Emerick Aubameyang cu pound 74 million in cawk dingin an hal cang hna tiah Spain thawngzamhnak Marca nih an langhter.

Real Madrid nih tu bantuk in Emerick Aubameyang cawk dingin an hal hna mi cu khuaruahhar ngaingai asi, khat lei ah Chelsea star Hazard zong cawk dingin lungtlin nak an ngei cang ti mi thawngpang zong a leng ngai.

Cu pin ah Real Madrid Coach Zidane nih manchester united hmaikal Rashford le Liverpool hmaikal Mane zong cawk a duh mi cazin chungah an i tal.

Marca thawngzamhnak nih an langhter mi ah “Zidane nih Real hmaikal Bale hmunhma chawngtu dingah tiin Arsenal hmaikal Emerick Aubameyang hi cawk dingin timhtuahnak a ngei mi asi. Emerick Aubameyang le Hazard an pahnih in Real Madrid an phak si ahcun Real hmaikal an thazang a țhawng deuh ngaingai lai tiah zumh cio asi.

Tu kum țhaal chung Transfer ah Real Madrid in club dangah hlanh in maw asi lo ah zuar thai dingin Real chuah tak ai tim mi Bale hmunhma ah Real nih zanglektu thar cawk dingin timhtuahnak an ngeih hi asi.

Tu kum chungah Arsenal caah Emerick Aubameyang cu hmaikal ah a biapi ngaingai mi zanglektu asi pin ah tampi a bawmchan kho tu zong asi. Cu pin ah tu kum premier league goal tamcem a khumh khotu dirhmun zongah Salah, Mane le Emerick Aubameyang hna hi an si. Cu tikah Arsenal țanhtu hna nih an hmaikal Emerick Aubameyang cu zuar lo dingin an i ruahchan ngaingai, asinain pound 74 million van ngah ve ding asi caah Arsenal FC nih khua fakpi in an ruah ve hrimhrim lai.

Source : TheSun

Be the first to comment on "Arsenal Țanhtu Hna Caah Thinphan Ngai Asi"

Leave a comment

Your email address will not be published.


*