Soisel le Thangchiat Fak Ngai In A Tong Mi Kawlram Ai Awh In Miss Ai Zuam Mi Pakhat I Ningzak Ngai Asi Mi Video

Soisel le Thangchiat Fak Ngai In A Tong Mi Kawlram Ai Awh In Miss Ai Zuam Mi Pakhat I Ningzak Ngai Asi Mi Video

A Tangcem ah VIDEO In Zoh Khawh Si

Miss pakhat nih Miss Crown an i bunh tikah midang ai zuam mi hna nak in zei lei paoh ah an thiam deuh lai tiah ruah dih mi an si. A ruang cu, cu bantuk in an thiam deuh hnu lawngah Miss Crown pek dingah ai tlak tiah thim mi an si tiah minung tampi nih kan hmuh ning le kan theih ning asi.

Cu bantuk in Kawlram chungah tuah mi Miss ai zuam mi hna chung in Miss Crown a ngah mi hna kha ram dangah ram ai awh in vai zuam nak caan țha an ngah, Miss Myanmar van ti tikah ahcun kawlram ai awh in ai zuam mi asi tikah zei lei paoh ah ready asi lai tiah ruah asi.

Asinain minung tampi nih kan ruah ning bantuk si loin kawlram ai awh in Miss pakhat nih ramdang ah zuamnak a va kal tikah minung tampi hmai ah ningzahnak fak taktak a tong i mah Miss nu zong fakpi in soisel le thangchiat a tong.

Mah Miss nu i a min cu Nan Cherry tiah auhmi asi tiah theih asi i, Vawlei cung level in i zuam mi Miss zuamnak ah Kawlram ai awh in ai zuam mi asi. Stage chungah Miss Myanmar tiah Presenter nu nih an van auh i “Nan ram ai dawhnak le nan nunphun konglam pawl kha mark petu hna sin ah theihternak van tuah” tiah mirang holh in a van ti.

Cu tikah Nan Cherry nih mirh nawn tein Mike cu a van i tlaih i “a rak ra kho mi upa nan dihlak mingalarba” tiah hmasacem ah a van ti. Cu a chim tiang cu a tlamtlinh ngai rih. Asinain a rauh hlan ah Miss Myanmar nih bia a chim mi ngeih tikah ngeih awk a țha mi pakhat hmanh um ti lo.

A ruang cu Miss Myanmar nu nih a chim dingmi bia hi a zah in a zah mi si dawh asi i, mizapi hmai a dir tikah a zah in a zah mi cu philh sehlaw a dawh. “Kan dih lak in (Miss ai zuam mi) ai dang cio mi ram in a ra mi kan si, miphun, nunphung zong ai dang dih mi kan si” tiah a chim i a peh kho bak ti lo, a zah in a zah mi biachim ding kha a philh diam ko…..

Asinain Miss Myanmar Nan Cherry a țhatnak pakhat cu, chim ding a philh ko bu ah minute 5 caan an pekmi chungah ningzah in tah thluahmah in chuak diam siloin, biahalnak cu ralțha ngai le lungcan i pek bu te le i zuam țulmal in a lehmi hna cu hmuh khawh asi.

Zei a va si zongah mah VIDEO kha Online ah phozar asi tikah Miss Myanmar nu cu Fak ngai in soisel le thangchiat a tong.

A tangah Miss Myanmar Nan Cherry ai chuah sualnak VIDEO hi Rak Zoh Ve Zeitin dah na hmuh ning si Comment rak tuah ve…..

Credit…Can’t Wait To Say

Be the first to comment on "Soisel le Thangchiat Fak Ngai In A Tong Mi Kawlram Ai Awh In Miss Ai Zuam Mi Pakhat I Ningzak Ngai Asi Mi Video"

Leave a comment

Your email address will not be published.


*


Secured By miniOrange