Solskjaer Chan Ah Manchester United Nih Zanglek Celh Thiam An Cawk Hmasacem Mi

Solskjaer Chan Ah Manchester United Nih Zanglek Celh Thiam An Cawk Hmasacem Mi

Daniel James Cu Everton, Newcastle zong nih cawk dingin an duh ngai nain manchester united an kut a rang deuh pin ah an pek dingmi thlahlawh nih James a lung a lak khawh deuh caah asi.

Manchester united nih Swansea FC zanglek thiam Daniel James cu pound 15 million pek dingin lungtlingnak an ngei cang tiah Daily Mail nih an langhter. Manchester United nih Daniel James cu tu thlak thawkka hrawng ah pehtlaih nak an tuah i rianrang ngai in sacho an tuah mi asi.

Club pahnih kar lungtlinnak a ngeih hnu ah Solskjaer nih manchester united FC hi mino deuh tete in zanglek dingin timhtuah tuahnak a ngeih mi cawlcang nak ai timh mi a lang ngaingai. Daniel James hi Everton le Newcastle zong nih cawk dingin an duh ngai mi asi, nain manchester united ah i thial dingin a lung um deuh caah asi.

Daniel James nih Swansea FC caah championship puai 38 tiang a chuih i goal 5 a khumh khawh i, a chuihti hawi goal khumh kho dingin voi 10 tiang a tuah piak khotu zanglek celh thiam asi.  Daniel James hi manchester united he an thawngpang a chuah zarhkhat a rauh hnu ah United nih an cawk mi asi, thangthar mino zanglek celh thiam James nih Manchester United caah zeitluk in dah thathnemnak a chuahpi khawh lai timi mipi lungah um cio asi.

Daniel James hi Kehlei sir le Orhlei sir hmaikal zongah hman khawh mi asi pin ah midfielder zongah a chuih kho mi asi. Asinain Solskjaer nih sirlei hmaikal deuh in Manchester united hi remh ai timh tikah Daniel James hi sirlei hmaikal ah a hman men lai tiah Daily Mail nih an zumhnak an chim.

Kum 21 lawng asi rih mi Wale ram selected pakhat asi mi Daniel James i transfer thawngpang cu a rauh hlan ah phungning tein fakthanhnak tuah an timh i, caan saupi um dingin sacho zong an tuah tiah theih asi i, kum zeizat tiang ca dah sacho an tuah ti mi bal te fiang in theih asi lo.

Credit: Duwun

Be the first to comment on "Solskjaer Chan Ah Manchester United Nih Zanglek Celh Thiam An Cawk Hmasacem Mi"

Leave a comment

Your email address will not be published.


*