Ralhrang nih Matupi peng ah khuami ( 11 ) cu minung khamhphaw ah an hman hna i lampi ah an thah beh hna.

Chin ram, Matupi peng ah journalist asimi pakhat, kum ( 13 ) a simi ngakchia pakhat telin khuami ( 11 ) cu ralhrang pawl nih an tleih hna i minung khamhphaw ah an rak hman hna i lampi ah an rak thah beh hna tiah CDF Matupi le khuami hna sin in theih asi.

January thla ( 6 ) ni in Matupi-Hakha lampi ah uknak chutmi ralhrang le CDF karlak ah kahdoh nak fakngai in a rak um, uknak chutmi ralhrang nih khual a tlawng mi minung ( 8 ), cun zanleisang ah datsi cawk ah a kalmi khuami ( 1 ) le January thla ( 7 ) ni ah khual a tlawng mi khuami ( 2 ) cu an rak thleih hna tiah theih asi.

Tleihkhih a rak tongmi mipi ( 11 ) cu uknak chutmi ralhrang pawl nih minung khamhphaw an rak rak hman hna i January thla ( 8 ) ni ah an rak thah hna i an ruak cu hlonh sawh sawh in an rak hloh hna tiah CDF Matupi ca a rak chuah.

Ralhrang nih an thahmi hna chungah hin Khonumthung media a rak derhtu le kumcan saupi editor zong a rak simi Pu Tuidim zong a telve tiah Khonumthung media nih ca a rak chuah.

Ralhrang nih an thahmi hna khuami ( 11 ) i an min cu

1. Pu Tui Dim ( a kum-55/ journalist )
2. Hawti Pa Le Nang ( a kum-13 )
3. Salai Steven
4. Puhpa Mamar Pa
5. Puhpa Vathao
6. Puhpa Sali
7. Pa Tin San
8. Pa Lian Ngai
9. Pa Thak Lung
10. U Vathao
11. U Sali hna hi an asi.