Kalaymyo ah Ralhrang nih inn pakhat an luhhnawh in an kah hna ca ah minung 4 an thi

Kalaymyo ah Ralhrang nih inn pakhat an luhhnawh in an kah hna ca ah minung 4 an thi

June 19 zaan 9:00 in 10:00 pm kar hrawng Kalaymyo ah Ralhrang nih inn pakhat an luhhnawh i meithalin an kah hna ca ah minung 4 an thi i pakhat cu a mit aa hliam.

Inn ngeitu hna nuva, an fapa le an khualtlung tiin minung 4 cu inn in an chuak i an zaam lio ah an kah hna i an thi. Nu pakhat cu a mit an hliamh ca ah siizung ah an kalpi. An thilri zong ralhrang pawl nih an lak.

Hi kahnak hnu ah ralhrang pawl nih Kalaymyo ah kumtlinglo ngakchia 2 le kum 30 tluk minung pakhat zong an tlaih than hna.

#Source: Khonumthung